Handbolti

Birgir Már til Amicitia Zürich

Ingvi Þór Sæmundsson skrifar
Birgir Már Birgisson freistar þess að skora framhjá Björgvini Páli Gústavssyni í úrslitaeinvígi FH og Vals.
Birgir Már Birgisson freistar þess að skora framhjá Björgvini Páli Gústavssyni í úrslitaeinvígi FH og Vals. vísir/anton

Örvhenti hornamaðurinn Birgir Már Birgisson hefur samið við svissneska félagið Amicitia Zürich. Hann hefur leikið með FH síðan 2018.

Birgir og félagar í FH komust í úrslit um Íslandsmeistaratitilinn en töpuðu fyrir Val í oddaleik á Hlíðarenda, 27-26, í síðustu viku.

Oddaleikurinn reyndist síðasti leikur Birgis fyrir FH en hann gengur í raðir Amicitia Zürich í sumar. Hann hefur skrifað undir tveggja ára samning við félagið.

Birgir lék í átta tímabil með FH en hann kom til liðsins frá Víkingi 2018. Hann varð einu sinni Íslandsmeistari með FH, einu sinni bikarmeistari og tvisvar sinnum deildarmeistari.

Amicitia Zürich endaði í 8. sæti svissnesku úrvalsdeildarinnar í vetur og féll úr leik fyrir Kadetten Schaffhausen í átta liða úrslitum úrslitakeppninnar, 3-0.

Óðinn Þór Ríkharðsson leikur með Kadetten Schaffhausen en Birgir var á sínum tíma fenginn til FH til að fylla hans skarð.

Olís-deild karla FH

Mest lesið


Fleiri fréttir

Sjá meira


×

Mest lesið