Ingi­mar bætist í eigendahóp Atlavíkur

Í tilkynningu frá Atlavík segir að Ingimar hafi starfað í kvikmyndageiranum síðastliðinn áratug og öðlast víðtæka reynslu bæði við innlendar og erlendar framleiðslur. 

Á meðal verkefna sem hann hefur komið að eru King & Conqueror, Snerting, Svörtu Sandar og Northern Comfort.

Ingimar hefur þegar hafið störf hjá Atlavík og hefur undanfarið haldið utan um framleiðslu þriggja verkefna fyrirtækisins en það eru Áramótaskaupið, Góðir Íslendingar og Boltamömmur sem verða frumsýndir síðar á árinu. 

Atlavík var stofnað árið 2023 af þeim Allan Sigurðssyni, Hannesi Þór Arasyni og Hannesi Þór Halldórssyni. Undanfarin ár hafa þeir unnið að fjölmörgum verkefnum, þar á meðal Fílalagi, Systraslag, Alheimsdraumnum, Bannað að hlæja og Iceguys þáttaseríanna sem hafa notið mikilla vinsælda.