Gunn­laugur mun aftur keppa á sterkasta áhuga­manna­móti í heimi

Frá þessu greinir Golfsamband Íslands núna í morgun en greint var frá valinu á Golf Channel í gær þar en 48 bestu kylfingar bandaríska háskólagolfsins taka þátt á mótinu sem fer fram á Tralee golfvellinum á Írlandi dagana 3.-5. júlí.

Á mótinu er spilað eftir svipuðu fyrirkomulagi og þekkist í Ryder- og Solheim bikurunum. Þar spilar lið Bandaríkjanna við lið alþjóðlegra kylfinga sem allir koma úr bandaríska háskólagolfinu. 

Frábær árangur hjá Gunnlaugi að tryggja sér sæti á mótinu annað árið í röð en margir af fremstu kylfingum heims hafa spilað á mótinu. Þeirra á meðal eru menn á borð við Bryson DeChambeau, Luke Donald, Jon rahm, Justin Thomas, Ludvig Åberg og svo mætti lengi telja.

Gunnlaugur var í sigurliði mótsins í fyrra og skilaði tveimur vinningum í hús. Það verður gaman að sjá hvað hann gerir á þessu sterka móti í ár.