Enski boltinn

Mörkin úr enska: Skaut Arsenal á toppinn og dramatíkin alls­ráðandi á botninum

Aron Guðmundsson skrifar
Mörkunum var fagnað af innlifun í ensku úrvalsdeildinni í gær. Enda fara þau að telja meira nú þegar nálgast lok tímabilsins.
Mörkunum var fagnað af innlifun í ensku úrvalsdeildinni í gær. Enda fara þau að telja meira nú þegar nálgast lok tímabilsins. Visir/Getty

Dramatíkin var allsráðandi í ensku úrvalsdeildinni í fótbolta í gær. Baráttan bæði á toppi og botni deildarinnar virðist ætla að teygja sig allt til loka tímabilsins. Hér neðar í fréttinni má sjá öll mörk gærdagsins, allt það helsta. 

Eberechi Eze tryggði Arsenal mikilvægan sigur gegn Newcastle United á Emirates leikvanginum. Með sigrinum tyllir Arsenal sér aftur á topp deildarinnar en varð um leið fyrir blóðtöku í leiknum Kai Havertz og Eberechi Eze meiddust báðir. Lokatölur 1-0 sigur Arsenal.

Alexander Isak var á skotskónum þegar Liverpool sigraði Crystal Palace, 3-1, á Anfield. Með sigrinum komst Rauði herinn upp í 4. sæti ensku úrvalsdeildarinnar.

Þrátt fyrir að vinna loks sinn fyrsta deildarleik á árinu 2026 gegn Wolves í gær er Tottenham enn í fallsæti ensku úrvalsdeildarinnar.

Sigurmark Callums Wilson fyrir West Ham United gegn Everton skyggði á gleði Tottenham-manna. Lokatölur á London leikvanginum 2-1 West Ham í vil. Tveimur stigum munar á West Ham og Tottenham sem vermir síðasta fallsæti deildarinnar. 

Fulham lyfti sér upp í 10. sæti ensku úrvalsdeildarinnar með 1-0 sigri á Aston Villa á Craven Cottage í fyrsta leik dagsins. Aston Villa varð þar af mikilvægum stigum í Evrópubaráttu deildarinnar.

Arsenal FC Newcastle United Liverpool FC Crystal Palace FC Fulham FC Aston Villa FC Wolverhampton Wanderers Tottenham Hotspur Everton FC West Ham United

Mest lesið


Fleiri fréttir

Sjá meira


×

Mest lesið