Besta sætið: KSÍ og Steini mega líka líta í eigin barm

Stelpurnar skiluðu sínu og unnu afar mikilvægan 1-0 sigur á Úkraínu. Vasklega gert og skiptir miklu máli upp á framhaldið að gera.

Leikur KR og Stjörnunnar í úrslitakeppni Bónus-deildar karla í gær var ótrúlegur. Tvíframlengt og Stjarnan marði sigur að lokum. Það setti aftur á móti mikinn skugga á sigurinn að Ægir Þór Steinarsson meiddist alvarlega og verður ekki meira með.

Valur og Keflavík er eina einvígið í átta liða úrslitunum sem er eftir en þau lið mætast í kvöld.

FH er komið í lykilstöðu gegn Haukum í undanúrslitum Olís-deildar karla en heimavöllurinn hefur haldið í einvíginu til þessa.

Liverpool og Barcelona kvöddu Meistaradeildina í gær og Arsenal er undir pressu í kvöld. Þá mætast líka risaliðin Bayern og Real í leik sem margir bíða spenntir eftir.

Besta sætið er hlaðvarp íþróttadeildar Sýnar. Það kemur út alla virka daga og er aðgengilegt á öllum helstu hlaðvarpsveitum.