„Tók bara eina snertingu og vissi hvað ég ætlaði að gera“

„Sem leikmaður Víkings þá fannst mér við vera með yfirhöndina mest allan leikinn“ sagði Gylfi Þór Sigurðsson leikmaður Víkings.

„Þeir skoruðu örugglega bara í annað skiptið sem að þeir fengu boltann í fyrri hálfleik“

„Kannski ef þú varst að horfa á leikinn var þetta sanngjarnt jafntefli. Við vorum kannski meira með boltann en við vorum ekkert að skapa okkur frábær færi en kannski svona nálægt því í lokin að stela þessu en sem leikmaður Víkings þá var svekkjandi að ná ekki að vinna leikinn“

Breiðablik spilaði flottan varnarleik gegn Víkingum í kvöld og fengu Víkingar ekki opið marktækifæri fyrr en í seinni hálfleik.

„Þetta var kannski svona svolítið fyrsti leikur á tímabilinu og mikil barátta, mikið af mistökum og kannski vantaði smá gæði, hraða á sendingum og þess háttar en erfitt að dæma þetta svona strax eftir leikinn“

„Ekki frábær leikur hjá okkur en gott að koma til baka og ná að jafna þetta“

Gylfi Þór Sigurðsson skoraði mark Víkinga í kvöld en það var af ódýrari gerðinni eftir herfileg mistök hjá Breiðablik.

„Ég bjóst við boltanum, ekki það að ég hafi búist við einhverjum mistökum en strax byrjar maður bara að hugsa ef boltinn kemur til manns þá verð ég að vera tilbúin“

„Það var fínt að heilinn byrjaði strax að hugsa strax áður en að hann var búin að sparka strax og ég tók bara eina snertingu og vissi hvað ég ætlaði að gera og það var gott að ná að skora á þessum tímapunkti í leiknum og gaf okkur smá trú um að við gætum stolið þessu í lokin“ sagði Gylfi Þór Sigurðsson