Heimir Guð­jóns mætir FH í bikarnum og KR fer í Garðabæinn

Heimir Guðjónsson, núverandi þjálfari Lengjudeildarliðs Fylkis og fyrrverandi þjálfari FH, fær gamla liðið sitt í heimsókn í Árbæinn. Það verða örugglega mörg augu á þeim leik.

Bikarmeistarar Vestra voru í pottinum þrátt fyrir að vera ekki komnir áfram úr 32 liða úrslitunum en leik þeirra við Leikni var frestað og verður spilaður á Ísafirði á laugardaginn kemur. Sigurvegarinn úr þeim leik mætir Gróttu á heimavelli.

Fimm lið úr Bestu deildinni féllu úr leik í 32 liða úrslitunum um helgina eða ÍBV, Þór, Fram, Keflavík og Valur. Það hjálpar til við það að það er bara einn úrvalsdeildarslagur í sextán liða úrslitunum.

Það verða líka örugglega tvö lið utan Bestu deildarinnar í átta liða úrslitunum þökk sé leikjum milli liða úr neðri deildunum eða leik Vestri/Leiknir-Gróttu annars vegar og leik Afturelding-Njarðvík hins vegar.