„Mér finnst ég alltaf koma með orku í liðið“

„Þegar þú tapar fyrsta leiknum þá þarftu að mæta með ákefð í leik tvö“ sagði Callum Lawson eftir sigurinn í kvöld.

„Við breyttum nokkrum hlutum fyrir leikinn og ég elskaði orkuna frá okkur í kvöld“

Callum Lawson byrjaði leikinn gríðarlega vel og var með tíu stig eftir fyrsta leikhluta.

„Mér finnst ég alltaf koma með orku í liðið og í kvöld var ég að komast í flottar stöður og var nógu heppinn að setja nokkur skot“

Valsliðið leiddi mest allan leikinn þrátt fyrir að Keflavík hafi fengið sín áhlaup þá hélt Valsliðið velli og stóð áhlaupin af sér.

„Þetta er leikur áhlaupa, þeir fá sín áhlaup og við fáum okkar. Við þurfum bara að berjast í gegnum slæmu kaflana og halda áfram“

Finnur Freyr þjálfari Vals tók leikhlé í fjórða leikhluta þegar Valsliðið var fimm stigum yfir og augnablikið var með Keflavík og kláruðu svo leikinn.

„Það er einmitt það sem ég var að tala um, halda haus og alltaf næsta kerfi hugarfar. Við áttum svo góð skot undir lokin“

Callum Lawson hefur tvívegis á sínum ferli spilað fyrir Keflavík og spilaði þar meðal annars á síðasta tímabili en hvernig er að spila á móti þeim núna?

„Það er gott fólk hérna og góðir vinir en þegar uppi er staðið gæti þetta verið hver sem er. Þetta er baráttumikill sería og við viljum bara vinna“ sagði Callum Lawson