Gylfi næstelsti markaskorari í sögu ís­lenska lands­liðsins

Gylfi var þarna að skora sitt 28. landsliðsmark en um leið sitt fyrsta landsliðsmark í tvö og hálft ár eða síðan hann bætti markamet Eiðs Smára Guðjohnsen með tveimur mörkum á móti Liechtenstein í október 2023.

Eiður Smári á aftur á móti enn metið yfir elstu markaskorara landsliðsins. Eiður var 37 ára, átta mánaða og 22 daga þegar hann skoraði sitt síðasta mark fyrir íslenska landsliðið í júní 2016.

Gylfi var hins vegar 36 ára, sex mánaða og 23 daga þegar hann skoraði þetta mark sitt í gær.

Gylfi hoppaði upp fyrir marga á listanum en næstir á eftir Eiði Smára fyrir leikinn í gær voru þeir Birkir Már Sævarsson, Arnór Guðjohnsen, Kári Árnason og Alfreð Finnbogason.

Gylfi skoraði sitt fyrsta mark fyrir landsliðið í leik á móti Portúgal í október 2011. Það eru því meira en fjórtán ár og fimm mánuðir á milli hans fyrsta og síðasta marks fyrir landsliðið.