Fótbolti

Icelandair flaug Liverpool til Istanbúl

Valur Páll Eiríksson skrifar
Flugvél Icelandair.
Flugvél Icelandair. Vísir/Vilhelm

Vél Icelandair flutti leikmenn karlaliðs Liverpool í fótbolta til Istanbúl í dag. Liðið mætir Galatasaray í Tyrklandi í 16-liða úrslitum Meistaradeildar Evrópu annað kvöld.

Greint er frá á Facebook-síðu John Lennon-flugvallar í Liverpool. Um er að ræða Boeing 757 vél frá Icelandair sem er sérmerkt sjónvarpsrásinni National Geographic.

Alisson Becker var ekki á meðal þeirra sem stigu upp í vél Icelandair í dag en hann glímir við meiðsli. Georgíumaðurinn Giorgi Mamardishvili stendur milli stanga Liverpool annað kvöld.

Liverpool og Galatasaray mætast í Istanbúl annað kvöld í fyrsta leik 16-liða úrslita Meistaradeildar Evrópu. Leikurinn hefst klukkan 17:45 og verður sýndur beint á Sýn Sport Viaplay.

Fréttir af flugi Icelandair Liverpool FC Meistaradeild Evrópu í fótbolta karla Enski boltinn

Mest lesið


Fleiri fréttir

Sjá meira


×

Mest lesið