Býður út Ólympíugallann sinn og á­huginn er gríðar­legur

Leerdam mætti til leiks sem risastjarna og fékk á sig gagnrýni fyrir að haga sér eins og díva. Hún stóðst síðan pressuna og vann gull í sinni bestu grein. Hún lét sýndarmennskuna og tískumyndatökur ekki trufla sig við að upplifa Ólympíudrauminn.

Nú ætlar Jutta Leerdam að bjóða upp Ólympíubúninginn sinn frá leikunum en hún mun áritaða keppnisbúninginn sinn og selja hæstbjóðanda.

Þegar komið yfir eina milljón

Og áhuginn er gríðarlegur.

Boðin standa yfir til laugardags en hæsta boð er þegar komið yfir eina milljón íslenskra króna, að sögn Het Laatste Nieuws.

Í hollenska þorpinu Pijnacker mun fólk fagna hverju boði því 75 prósent af tekjunum renna nefnilega til skautaklúbbsins á staðnum þar sem allt byrjaði fyrir Leerdam þegar hún var lítil stúlka.

Lítill skautaklúbbur græðir

„Við erum ekki vön því að fá svona háa upphæð,“ sagði stjórnarmeðlimurinn Jacqueline van Winden í skautaklúbbi IJVP.

Þökk sé peningunum verður nú hægt að gera upp rúmlega 40 ára gamalt klúbbhús,“ sagði van Winden.

„Jutta byrjaði hjá okkur sem ungur skautari, svo það væri gaman að gefa eitthvað til baka til ungmennanna. Við munum nota að minnsta kosti helming teknanna í það. Það væri frábært ef hún kæmi í heimsókn þegar endurbótunum er lokið svo hún gæti fagnað opnuninni með okkur,“ sagði

Liðsfélagi líka með búning sinn til sölu

Jutta Leerdam vann ekki aðeins gull í 1000 metrum og silfur í 500 metrum á Ólympíuleikunum. Hún er einnig stór á samfélagsmiðlum, meðal annars vegna þess að hún er trúlofuð bandaríska áhrifavaldinum Jake Paul.

Paul var einnig á staðnum á Ólympíuleikunum þar sem sást til hans bresta í grát þegar Leerdam vann gullið í 1000 metra skautunum.

Landi Leerdams, Femke Kos (sem vann gull og silfur á Ólympíuleikunum), er einnig að bjóða upp búninginn sinn. Hann stendur nú í tæpum fimm hundruð þúsund íslenskum krónum.