Neyðar­óp starfs­manna og leynisímar

Það kom á óvart að fimmenningar sem voru handteknir í alþjóðlegum aðgerðum væru með síma í klefum sínum á Litla-Hrauni. Talið er að mennirnir hafi skipulagt fíkniefnainnflutning frá fangelsinu. Við ræðum við fangelsismálastjóra.

NATO mun auka eftirlit og umsvif hersveita á norðurslóðum. Við heyrum í utanríkisráðherra.

Þá sjáum við fallegar myndir frá Borgarholtsskóla þar sem nemendur minntust samnemanda sem lést í bílslysi og rifjum upp sögur úr fluginu með Ómari Ragnarssyni.

Í Sportpakkanum heyrum við í Tómasi Bent sem skoraði sigurmarkið í Edinborgarslagnum í fótbolta og í Íslandi í dag umbreytir einn helsti förðunar- og gervahönnuður landsins Tómasi Arnari í vígalegan víking.

Þetta og margt fleira á samtengdum rásum Bylgjunnar, Sýnar og Vísis klukkan 18:30.