Eini leik­maðurinn sem gaf boltann aldrei á EM

Þorsteinn Leó meiddist í vetur og var að snúa aftur á gólfið eftir þau sem þýddi eflaust að hlutverk hans var mun minna en það hefði verið.

Snorri Steinn Guðjónsson notaði Þorstein aðeins í það að taka skot þegar íslenska liðið var búið með allar sendingarnar sínar og þurfti langskot yfir hávörn mótherjanna.

Þorsteinn kom þrisvar inn á við slíkar aðstæður og eitt þeirra skipta var aukakast eftir að tíminn var liðinn.

Þorsteinn náði ekki að nýta neitt af þessum þremur skotum en var skráður með heildarleiktíma upp á eina mínútu og 28 sekúndur.

Hann var aftur á móti á toppnum á einum lista, þegar kemur að annars konar tölfræði frá mótinu.

Þorsteinn gat ekkert annað en skotið á markið þegar hann kom við sögu í leikjum íslenska landsliðsins. Hann gaf því aldrei boltann.

Samkvæmt tölfræðinni hér fyrir neðan var hann eini leikmaðurinn sem gaf boltann aldrei á EM.

Sá sem átti næstfæstar sendingar á hvert skot var Svartfellingurinn Vasilije Kalućerović sem var með tvær sendingar á hvert skot. Þriðji á listanum var Hollendingurinn Reinier Taboada með 4,5 sendingar á hvert skot.