Funda um frið í skugga ban­vænna á­rása næturinnar

Úkraínumenn glíma þá við víðtækt rafmagns- vatns- og hitaveituleysi eftir árásir Rússa á innviði í Úkraínu.

Dagur tvö í fyrstu þríhliða friðarviðræðum frá upphafi innrásar Rússa er nú runninn upp. Samningamenn frá Bandaríkjunum, Úkraínu og Rússlandi reyna að ná saman um frið á fundum sínum í Sameinuðu arabísku furstadæmunum og það gera þeir í skugga árása næturinnar.

Rússar halda því til streitu í viðræðunum að þeir verði að hafa yfirráð yfir Donbas-svæðinu í austurhluta Úkraínu.

Vitali Klitschko, borgarstjóri Kænugarðs, greindi frá því á samfélagsmiðlum snemma í morgun að eldur hafi kviknað í nokkrum byggingum sem urðu fyrir braki úr drónum.

Sagði hann árásirnar koma í miðri versnandi orkukreppu og það um miðjan vetur. Staðan sé afar þung í höfuðborginni þar sem margir hafi verið án hita og rafmagns nú í langan tíma.