Ráðin nýr markaðs­stjóri Nettó og Kjör­búðanna

Í tilkynningu segir að hún komi til fyrirtækisins frá Prís og Heimkaupum þar sem hún hafi séð um vörumerkjaþróun og markaðsmálin síðustu tvö ár.

„Katrín hefur víðtæka reynslu af markaðsmálum og uppbyggingu á vörumerkjum. Hún starfaði áður hjá Nova í fimm ár m.a. sem markaðsstjóri og vann þar að fjölbreyttum verkefnum. Áður starfaði hún við kvikmyndagerð hjá Pegasus og tók meðal annars þátt í verkefnum fyrir HBO og Netflix. Þá starfaði hún einnig hjá alþjóðlega tæknifyrirtækinu Phillips í Kaupmannahöfn við grafíska miðlun auk margra verkefna á sviði vörumerkjahönnunar.

Katrín lauk AP gráðu í margmiðlunarhönnun árið 2016 og BA gráðu í vörumerkjaþróun árið 2018 frá Copenhagen School of Design and Technology,“ segir í tilkyningunni.