Á­horf á kvennaboltann eykst mikið í Noregi en hrynur á Ís­landi

Samkvæmt samantekt þeirra þá hefur aðsóknin aukist um fjörutíu prósent á milli tímabila. Þetta kemur fram í fréttatilkynningu sem norskir miðlar fjalla um.

Tölurnar eru frá fyrstu tólf umferðum tímabilsins. Meðalaðsókn á leiki deildarinnar er í kringum 800 manns. Það er fjörutíu prósent hækkun frá sumrinu 2024.

Markmið er þó metnaðarfullt en forráðamenn deildarinnar vilja sjá 1500 manns að meðaltali á leikjum deildarinnar sumarið 2028.

Það voru einmitt 1500 manns að meðaltali í tólftu umferðinni þar af komu 4697 manns á Brann Stadion þegar Brann mætti Lyn.

Því miður er ekki sömu sögu að segja af Bestu deild kvenna á Íslandi. Forráðamenn deildarinnar ættu kannski að kanna það betur hvað Norðmenn eru að gera rétt.

Samkvæmt áhorfendatölum á heimasíðu KSÍ þá mættu 205 manns að meðaltali á leiki deildarkeppninnar í fyrrasumar en það hefur aðeins verið 126 áhorfendur að meðaltali í leik í sumar.

Það að áhorfstölur séu á hraðir niðurleið í Bestu deild er áhyggjuefni og í raun öfug þróun við allt sem maður sér í hinum evrópsku deildunum.