Innlent

Braut­skráði soninn á síðustu út­skriftinni

Jón Ísak Ragnarsson og Tómas Arnar Þorláksson skrifa
Jón Atli Benediktsson er fráfarandi rektor Háskóla Íslands.
Jón Atli Benediktsson er fráfarandi rektor Háskóla Íslands. Sýn

Hátt í tvö þúsund og átta hundruð kandídatar brautskráðust úr grunn- og framhaldsnámi frá Háskóla Íslands í Laugardalshöll í dag. Þetta voru síðustu brautskráningathafnir Jóns Atla Benediktssonar í embætti rektors skólans. Frá því hann tók við fyrir tíu árum hafa hátt í þrjátíu og tvö þúsund nemendur hlotið prófgráðu frá Háskóla Íslands. Silja Bára Ómarsdóttir tekur við rektorsembættinu af Jóni Atla þann fyrsta júlí næstkomandi.

„Ég er bara mjög ánægður með hvað hefur gerst hérna á undanförnum tíu árum og hlakka til framhaldsins. Háskólinn er í góðum höndum og mun áfram verða öflugur íslenskur háskóli sem hefur sterkan grunn á alþjóðlegum vettvangi líka,“ segir Jón.

„Við erum að þjóna íslensku samfélagi aðallega og við munum gera það áfram. En við náum þessu með því að vera alþjóðlegur rannsóknarháskóli með þessar sterku tengingar við önnur lönd.“

Er það rétt að sonur þinn hafi verið að útskrifast í dag?

„Jájá hann brautskráðist úr vélarverkfræði með BS próf.“

Gerði það daginn þýðingarmikinn?

„Jájá það má segja það,“ sagði Jón Atli að lokum.

Háskólar Skóla- og menntamál Tímamót

Mest lesið


Fleiri fréttir

Sjá meira


×

Mest lesið