Íslenski boltinn

Fyrrum leik­maður Liver­pool að ganga í raðir Stjörnunnar

Runólfur Trausti Þórhallsson skrifar
Mættur í Garðabæ.
Mættur í Garðabæ. Thor Wegner/Getty Images

Steven Caulker, fyrrum leikmaður Liverpool á Englandi, er um þessar mundir í Garðabæ að fylgjast með leik Stjörnunnar og KR í Bestu deild karla í knattspyrnu. Ekki er frágengið að hann gangi í raðir Garðbæinga en það stefnir allt í það.

Hinn 33 ára gamli miðvörður á að baki einn A-landsleik fyrir England en hefur frá 2022 spilað 18 leiki fyrir Síerra Leóne. Jökull Elísabetarson, þjálfari Stjörnunnar, sagði í viðtali við Stöð 2 Sport fyrir leikinn gegn KR að Caulker væri ekki búinn að skrifa undir. Það bendir þó allt til þess fyrst hann er mættur í Garðabæinn.

Caulker og Þórarinn Ingi Valdimarsson, fyrrverandi leikmaður Stjörnunnar.Stöð 2 Sport

Caulker hóf meistaraflokksferil sinn með Tottenham Hotspur. Hann spilaði síðan fyrir Cardiff City, Queens Park Rangers og Liverpool á láni. Frá 2019 hefur hann meira og minna spilað í Tyrklandi, síðast með  Ankara Keçiörengücü á nýafstaðinni leiktíð. 

Fótbolti Íslenski boltinn Besta deild karla Stjarnan

Mest lesið


Fleiri fréttir

Sjá meira


×

Mest lesið