Hnekkti dómi fyrr­verandi kanslara fyrir mein­særi

Kurz var dæmdur í átta mánaða skilorðsbundi fangelsi í fyrra fyrir að hafa borið ljúgvitni fyrir rannsóknarnefnd þingsins árið 2020. Rannsóknarnefndin rannsakaði ásakanir um spillingu í ríkisstjórn Kurz sem var sjálfur sakaður um að hafa notað opinbert fé til þess að kaupa sér hagstæða fjölmiðlaumfjöllun.

Dómnum yfir Kurz var snúið við í dag. Dómstóllinn staðfesti hins vegar dóm yfir skrifstofustjóra fyrrverandi kanslarans, að sögn austurríska ríkismiðilsins ORF.

Var vonarstjarna íhaldsmanna

Kurz leiddi Þjóðarflokkinn til sigurs í kosningum árið 2017 og 2019 og var aðeins 31 árs gamall þegar hann varð kanslari í fyrsta skipti. Hann var talinn helsta vonarstjarna íhaldsmanna í Evrópu, að sögn Evrópuútgáfu blaðsins Politico. Fallið var því hátt þegar hann sagði af sér í október 2021 í skugga raðar spillingarmála.

Niðurstaðan í dag er talin skipta sköpum fyrir pólitíska framtíð en mikið er rætt um hugsanlega endurkomu hans í stjórnmálin. Þjóðarflokkurinn leiðir nú þriggja flokka samsteypustjórn sem var mynduð til þess að halda jaðarhægriflokknum Frelsisflokknum frá völdum en hann vann stórsigur í kosningum í fyrra.