Asencio verður á­kærður fyrir að dreifa barna­klámi

Atvikið á að hafa átt sér stað á strandklúbbi á Kanarí þann 15. júní árið 2023. Leikmennirnir þrír úr ungmennaliðinu voru handteknir í september 2023 og Asencio var beðinn um vitnisburð en var síðan sjálfur rannsakaður í kjölfarið, grunaður um að hafa átt hlut í máli.

Konurnar voru sextán og átján ára þegar atvikin eiga að hafa átt sér stað. Þær eru sagðar sýna merki um áfallastreituröskun.

Leikmennirnir þrír úr ungmennaliðinu fóru allir frá Real Madrid síðasta sumar. Ruiz fór til Girona og spilar með liðinu í úrvalsdeildinni. Martin og Rodriguez spila með liðum í þriðju deild Spánar. Asencio var í byrjunarliði Real Madrid í gær, í 2-1 sigri gegn Mallorca. Leikurinn hófst rétt eftir að fregnirnar bárust.

Málið mun nú berast til ríkissaksóknara, sem mun gefa út ákærur á hendur mannanna fjögurra.

Hvorki Real Madrid né Asencio hafa tjáð sig, en lögfræðingur hans reyndi að fá málið fellt niður í febrúar, án árangurs. Girona tjáði sig lítillega um leikmann sinn, Ferran Ruiz, og sagðist ganga út frá því að hann væri saklaus þar til sekt yrði sönnuð.