Dramatísk endur­koma Real hélt veikum vonum á lífi

Martin Valjent kom gestunum frá Mallorca yfir á 11. mínútu og þó heimamenn hafi fengið fjölda færa til að jafna metin var staðan enn markalaus að loknum fyrri hálfleik. Það var svo á 68. mínútu sem Kylian Mbappé jafnaði metin eftir undirbúning hins síunga Luka Modrić.

Hinn tvítugi Jacobo Ramon reyndist svo hetja Real Madríd en varnarmaðurinn skoraði það sem reyndist sigurmarkið á fimmtu mínútu uppbótartíma.

Lokatölur 2-1 sem þýðir að Real Madríd er nú með fjórum stigum minna en Barcelona þegar tvær umferðir eru eftir. Börsungar þurfa aðeins einn sigur til að tryggja sér titilinn.