Viðskipti innlent

Virða niður­stöðu Ís­lands­banka

Árni Sæberg skrifar
Benedikt Gíslason er bankastjóri Arion banki.
Benedikt Gíslason er bankastjóri Arion banki. Vísir/Vilhelm

Stjórn Arion banka kveðst virða niðurstöðu stjórnar Íslandsbanka um að ganga ekki að boði um samrunaviðræður og þakka henni fyrir hafa gefið sér tíma til að meta gaumgæfilega sýndan áhuga.

Stjórn Íslandsbanka ákvað á fundi sínum í gær, 27. febrúar, að afþakka boð Arion banka um samrunaviðræður sem sent var stjórninni fyrir tveimur vikum.

Í tilkynningu Arion banka til Kauphallar segir að það sé sannfæring stjórnar Arion banka að samruni bankanna feli í sér einstakt tækifæri til breytinga á íslensku fjármálakerfi og sé jákvæður valkostur fyrir neytendur, hluthafa og íslenskt efnahagslíf.

„Þó að ekki verði af samrunaviðræðum nú, vonar stjórn Arion banka að hugmyndin verði kveikja að frekari umræðu um skipan og umgjörð fjármálakerfisins og hvernig það geti best sinnt hlutverki sínu með skilvirkum og hagkvæmum hætti.“

Í tilkynningu Íslandsbanka í gær sagði að stjórnin liti svo á að samruninn væri ákjósanlegur en ólíklegt væri að samþykki Samkeppniseftirlitsins fyrir honum fengist.

Íslandsbanki Arion banki Fjármálafyrirtæki

Tengdar fréttir

Arion banki vill sameinast Íslandsbanka

Stjórn Arion banka ákvað á fundi sínum í dag að lýsa yfir áhuga á að hefja viðræður við stjórn Íslandsbanka um samruna félaganna. Bréf þess efnis hefur verið sent til stjórnarformanns og bankastjóra Íslandsbanka.



Mest lesið


Fleiri fréttir

Sjá meira


×

Mest lesið