Líf og fjör í teiti 66°Norður í Kaup­manna­höfn

Bjarney Harðardóttir og Helgi R. Óskarsson, eigendur 66°Norður voru í veislunni sem og Elísabet Gunnarsdóttir og Andrea Magnúsdóttir. Einnig mætti þær Sissa og Steinunn frá Andrá Reykjavík. Í teitinu voru auk þess þekktir danskir áhrifavaldar eins og Amalie Bladt, Thalia og Luiza.

Sýning 66°Norður á Tískuvikunni fór fram á Rådhuspladsen 37 og vakti mikla athygli en alls rúmlega eitt þúsund gestir mættu og sáu fyrirsætur sýna fatnað íslenska merkisins á tískupöllunum.

Í tilkynningu segir að áhersla fyrirtækisins sé á tímalausa hönnun en flíkur í hönnun fyrirtækisins frá 1950 til 2025 voru sýndar við mikla hrifningu gesta.

Á sýningunni voru til sýningar fjölmargar sögulegar flíkur, sumar allt að 70 ára gamlar. Þar má til að mynda nefna fyrsta sjóstakkinn og fatnað frá Ólympíuleikum.

Á sýningunni var boðið upp á snertiskynjun, hljóðupplifun og íslenskan foss auk þess sem gestum var gefin innsýn í hönnunarferli og handverk fyrirtækisins.