Þrjá­tíu og fimm börn tróðust undir á jóla­há­tíð

Þegar hátíðin var að hefjast hófst mikill troðningur og dóu 35 börn. Samkvæmt frétt BBC voru að minnsta kosti sex börn flutt á sjúkrahús. Mögulegt er að þau hafi verið fleiri en það þykir óljóst.

Þá segist lögreglan hafa handtekið átta manns sem komu að því að halda hátíðina og þar á meðal er aðalskipuleggjandi hennar, sem er fræg kona í suðvesturhluta Nígeríu. Konan, sem heitir Naomi Silekunola, segist vera drottning/spákona.

Í heildina er talið að rúmlega tíu þúsund manns hafi sótt hátíðina en efnahagsástand Nígeríu þykir verulega slæmt þessa dagana og útskýrir það að hluta til af hverju svo margir mættu í von um að fá peninga og mat.

BBC segir nokkur sambærileg atvik hafa átt sér stað í Nígeríu undanfarin ár.