Danskur miðju­maður til Vestra

Pedersen er væntanlega ætlað að fylla skarð landa síns, Tariks Ibrahimagic, sem var seldur til Víkings í vikunni.

Pedersen er fæddur 2001 og hefur leikið fjölda leikja fyrir yngri landslið Danmerkur. Hann kemur til Vestra frá Álaborg þar sem hann hefur verið frá 2016.

Pedersen náði hins vegar ekki að festa sig í sessi hjá Álaborg og var lánaður til Skive, Vendsyssel og Kolding á síðustu árum.

Næsti leikur Vestra er gegn Íslands- og bikarmeisturum Víkings í Víkinni á morgun. Leikurinn hefst klukkan 14:00 og verður sýndur beint á Stöð 2 Sport.