Sjáðu mörkin sem voru dæmd af Lukaku og sjálfsmarkið sem reddaði Frökkum

Slóvakar komu flestum á óvart með 1-0 sigri á Belgíu í fyrsta leik þjóðanna á EM í Þýskalandi. Belgarnir fóru vissulega mjög illa með mörg færi í leiknum og þá voru tvö mörk dæmd af Romelu Lukaku.

Lukaku varð þar með sá fyrsti í EM-sögunni til láta dæma tvö mörk af sér með myndbandsdómgæslu.

Sigurmark Slóvakíu skoraði Ivan Schranz strax á sjöundu mínútu leiksins.

Maximilian Wöber varð fyrir því óláni að skalla fyrirgjöf Kylian Mbappé í eigið mark og það var eina markið í leik Frakklands og Austurríkis.

Það má sjá mörkin og helstu atvik úr þessum tveimur leikjum hér fyrir neðan. Þar má sjá Mbappé meðal annars klúðra algjöru dauðafæri.