Spacey á barmi gjald­þrots

Þar ræddi hann ásakanir gegn sér um kynferðislega áreitni og hvernig líf hans hefur breyst frá því að fyrstu ásakanir komu fram árið 2017. Viðtalið er um 90 mínútur.

Fram kemur í erlendum miðlum að þegar Morgan spurði um núverandi heimili Spacey hafi hann komist í uppnám og greint frá því að heimili hans í Baltimore hafi verið selt á uppboði.

„Ég verð því að fara aftur til Baltimore og setja eignir mínar í geymslu. Svo svarið við þessari spurningu er að ég er ekki alveg viss um það hvar ég ætla að eiga heima.“

Hann sagðist hafa búið í Baltimore allt frá því að tökur á þáttunum House of Cards hófust þar árið 2012 og í þessu sama húsi síðustu átta árin.

Skuldar mikinn lögfræðikostnað

Spurður hvort hann væri á barmi gjaldþrots svaraði Spacey því að hann hefði nokkrum sinnum verið nálægt því að lýsa sig gjaldþrota en hefði náð að komast hjá því naumlega. Hann ætti lítinn pening í dag og skuldaði enn mikið í lögfræðikostnað. Samanlagt skuldi hann enn einhverjar milljónir.

Morgan spurði hann að lokum hver hans næstu skref yrðu og sagðist Spacey þá ætla sér „aftur upp á hestinn“.