Sungið og sungið á Sauð­ár­króki

Leikfélag Sauðárkróks, sem er eitt af elstu áhugamannaleikfélögum landsins ræst ekki á garðinn þar sem hann er lægstur því félagið frumsýndi í byrjun Sæluvikunnar Litlu hryllingsbúðina í leikstjórn Valgeirs Skagfjörð og sýningar standa enn yfir á fullum krafti enda meira og minna uppselt á allar sýningar, sem fara fram í félagsheimilinu Bifröst.

Sigurlaug Dóra Ingimundardóttir er formaður Leikfélags Sauðárkróks.

„Við setjum upp tvær sýningar á ári en á haustin eru barna og fjölskyldusýningar og svo á vorin erum við í söngleikjum eða í leikritum með söngvum,“ segir Sigurlaug Dóra.

Sigurlaug Dóra segir frábært að sjá hvað aðsóknin að Litlu hryllingsbúðinni hafi verð góð enda þekkt og skemmtilegt verk, sem allir hafa gaman af.

„Já, það er mikið af söngvum og mikið fjör í sýningunni. Þetta eru 13 leikarar sem taka þátt í sýningunni en það eru um 40 manns, sem koma að sýningunni í heild sinni með einum eða öðrum hætti. Ef að fólk vill hafa eitthvað að gera þangað til að það verður aðeins betra veður þá er tilvalið að skella sér í leikhús og sjá þetta meistaraverk,“ segir Sigurlaug Dóra.

Hér er hægt að kaupa miða á sýninguna