Stórleikur í Garða­bænum og Fram mætir þriðju deildarliðinu

Tíu lið úr Bestu deildinni voru í pottinum, fimm úr Lengjudeildinni og eitt úr 3. deildinni. Það er ÍH sem dróst gegn Fram.

Víkingur, sem hefur orðið bikarmeistari fjórum sinnum í röð, mætir Grindavík á útivelli.

Sem fyrr sagði mætast Stjarnan og KR í Garðabænum. Fylkir og HK og KA og Vestri eigast einnig við í innbyrðis leikjum liða úr Bestu deildinni.

Keflavík, sem sló Breiðablik út í gær, mætir ÍA, Afturelding fær Val í heimsókn og Fjölnir og Þór leiða saman hesta sína í Grafarvoginum.

Leikirnir í sextán liða úrslitunum fara fram 16. og 17. maí. 

Sextán liða úrslit Mjólkurbikars karla