Handbolti

Bjarki Már at­kvæða­mikill í dramatískum sigri

Siggeir Ævarsson skrifar
Bjarki Már í leik með Veszprém
Bjarki Már í leik með Veszprém Twitter@telekomveszprem

Bjarki Már Elísson og félagar í ungverska liðinu Veszprém unnu nú rétt í þessu dramatískan 32-31 sigur á Álaborg frá Danmörku í átta liða úr­slit­um Meist­ara­deild­ar Evr­ópu í hand­bolta.

Gestirnir frá Danmörku leiddu með fimm mörkum í hálfleik, 12-17, en frábær seinni hálfleikur hjá heimamönnum, og þá ekki síst frammistaða Bjarka á lokamínútunum, tryggði þeim eins marks sigur.

Bjarki var næst markahæstur í liði Veszprém með fimm mörk sem komu flest þegar mest á reyndi. Hann jafnaði leikinn 29-29 og svo aftur 31-31 en Bjarki nýtti öll fimm skot sín á markið í dag.

Seinni leikur liðanna fer fram í Álaborg þann 1. maí næstkomandi.

Handbolti Ungverski handboltinn

Mest lesið


Fleiri fréttir

Sjá meira


×

Mest lesið