Íslenski boltinn

Andrea Rán spilar á Ís­landi í sumar

Runólfur Trausti Þórhallsson skrifar
Andrea Rán í leik með Houston Dash.
Andrea Rán í leik með Houston Dash. Getty Images/Trask Smith

Það stefnir í að Andrea Rán Snæfeld Hauksdóttir spili með FH í Bestu deild kvenna í knattspyrnu í sumar. Hún spilaði síðast í Mexíkó.

Frá þessu greinir Fótbolti.net. Þar segir að nokkur félög hér á landi hafi verið á eftir henni en Andrea Rán hafi valið FH.

Þessi öflugi miðjumaður hefur ekki spilað hér á landi síðan 2021 þegar hún spilaði með Breiðabliki, uppeldisfélagi sínu. Þaðan lá leiðin til Houston Dash í Bandaríkjunum. Þar fékk hún ekki að spila nægilega mikið og færði sig yfir landamærin til Mexíkó, fyrst með Club América og síðar Mazatlan. Bæði leika í efstu deild Mexíkó.

Hin 28 ára gamla Andrea Rán hefur einnig spilað með Le Havre í Frakklandi. Hún á að baki 12 A-landsleiki og hefur skorað í þeim tvö mörk.

FH hefur leik í Bestu deild kvenna gegn Tindastól á Sauðárkróki þann 21. apríl næstkomandi.

Fótbolti Íslenski boltinn Besta deild kvenna FH

Mest lesið


Fleiri fréttir

Sjá meira


×

Mest lesið