Sport

„Gildir einu hvort ein­stak­lingur er tólf ára eða þrí­tugur“

Valur Páll Eiríksson skrifar
Bann Valievu er afturvirkt frá desember 2021 og mun hún því ná næstu Vetrarólympíuleikum árið 2026.
Bann Valievu er afturvirkt frá desember 2021 og mun hún því ná næstu Vetrarólympíuleikum árið 2026. Getty

Hin rússneska Kamila Valieva, listdansari á skautum, var í vikunni dæmd í fjögurra ára keppnisbann vegna lyfjamisnotkunar þrátt fyrir að vera undir lögaldri. Framkvæmdastjóri Lyfjaeftirlits Íslands segir málið leiðinlegt en verki vonandi sem forvörn fyrir aðra.

Valieva féll á lyfjaprófi í aðdraganda Ólympíuleikanna í Peking í byrjun árs 2022, þá aðeins 15 ára gömul. Í vikunni féll endanlegur dómur Alþjóðaíþróttadómstólsins, CAS, sem dæmdi hana í fjögurra ára bann, afturvirkt frá desember 2021. Birgir Sverrisson, framkvæmdastjóri lyfjaeftirlits Íslands, segir dóminn réttan.

„Þetta er sanngjarn dómur, myndi ég segja, þrátt fyrir ungan aldur. En það þykir ljóst að hún var ekki ein í þessari lyfjamisnotkun. Hún gat ekki sýnt fram á vanrækslu eða óvísvitandi notkun,“ segir Birgir.

Birgir Sverrisson, framkvæmdstjóri Lyfjaeftirlits Íslands.Vísir/Arnar

Efnið Trimetazidine fannst í blóði Valievu, sem er á bannlista Alþjóðalyfjastofnunarinnar WADA. Valieva hélt því fram að hún hefði deilt vatnsglasi með afa sínum, en afinn taki inn hjartalyf sem innihalda Truimatazidine. Þau rök voru ekki tekin gild.

Öll sönnunarbyrði í málum sem þessum liggur hjá íþróttamanninum. Þegar sem komið er á jafn háttsetta keppni og Ólympíuleikana munar lítið um aldurinn. Fáheyrt er að fólk sem mælist jákvætt geti sýnt fram á óvísvitandi notkun.

„Það hvílir rík skylda á íþróttafólki að tryggja að engin bönnuð efni fari inn í líkama þeirra. Það er í raun mjög einföld regla, en hún er ströng. Þegar um jákvætt próf er að ræða gildir einu hvort einstaklingurinn er tólf ára eða þrítugur.“

„Í rauninni ber hún þá sömu skyldur og Usain Bolt, til dæmis, þrátt fyrir þennan unga aldur. En það er alveg ljóst að þeir sem voru í hennar fylgdarliði, hvort sem það eru ættingjar, þjálfarar eða starfsmenn, þeir bera líklega einhverja ábyrgð í þessu máli. Það hefur ekki komið í ljós og því ber hún ábyrgð í þessu máli,“

„Ef svo vill til að þetta var óvart hjá henni, þá er það ömurlegt mál fyrir hana. En ágætis forvörn fyrir aðra þá. Dómurinn telur hana ekki trúanlega í þessu máli, það er í raun bara niðurstaðan.“ segir Birgir.

Viðtalið má sjá í spilaranum að neðan.

Skautaíþróttir Vetrarólympíuleikar 2022 í Peking Vetrarólympíuleikar 2026 í Mílanó og Cortina

Tengdar fréttir

Fá loks Ólympíugullið tveimur árum seinna

Keppendurnir sem misstu af verðlaunum þegar Rússar unnu gullið í liðakeppni í listdansi á skautum á Vetrarólympíuleikunum í Peking 2022 munu fá verðlaun sín við hátíðlega athöfn.

Rússar áfrýja eigin sýknudómi til CAS

Á síðustu árum hafa komið upp hneykslismál í Rússlandi vegna lyfjabrota hjá íþróttamönnum og yfirvöld í Rússlandi verið sökuð um að fela gögn fyrir Alþjóðalyfjaeftirlitsstofnuninni. Nú hafa þeir hins vegar áfrýjað eigin sýknudómi til Alþjóðaíþróttadómstólsins.

Valieva bönnuð á HM en ekki vegna lyfjaneyslu

Hin 15 ára gamla Kamila Valieva, sem vakti svo mikla athygli á Vetrarólympíuleikunum í Peking í síðasta mánuði, verður ekki með á heimsmeistaramótinu í listhlaupi á skautum í Frakklandi síðar í þessum mánuði.

Vann gullið en enginn að tala um hana: „Er tóm að innan“

Anna Shcherbakova, sem vann gullverðlaun í einstaklingskeppninni í listdansi á skautum, segist eiga erfitt með að njóta sigursins því athyglin hefur svo sannarlega ekki verið á henni heldur tveimur öðrum rússneskum skautakonum.

Illgjarnt fólk sem láti börn dópa eigi heima í fangelsi

Á meðal þeirra sem gagnrýnt hafa þá staðreynd að hin 15 ára gamla Kamila Valieva megi keppa á Vetrarólympíuleikunum er forseti alþjóða lyfjaeftirlitsins (WADA), Witold Banka, sem segir að fólk sem láti börn neyta ólöglegra, árangursaukandi lyfja eigi heima í fangelsi.

Mest lesið


Fleiri fréttir

Sjá meira


×

Mest lesið