Lífið

Fyrsta stiklan úr nýjum Útkallsþáttum

Boði Logason skrifar
Óttar Sveinsson hefur gefið út 30 Útkallsbækur og byrjar nú með nýja þætti á Vísi á sunnudögum.
Óttar Sveinsson hefur gefið út 30 Útkallsbækur og byrjar nú með nýja þætti á Vísi á sunnudögum. Heiðar

Útkall eru nýir þættir sem verða frumsýndir á Vísi klukkan sjö á sunnudagsmorgun. Þátturinn verður sýndur á sjónvarpsstöðinni Stöð 2 Vísi klukkan 20:00 um kvöldið. 

Um er að ræða átta þætti sem eru byggðir á Útkallsbókaseríunni, metsölubókum Óttars Sveinssonar. Þættirnir eru framleiddir af kvikmyndagerðarmanninum Heiðari Aðalbjörnssyni. 

Í hverjum þætti verður einn atburður tekinn fyrir og ýmist rætt við þá sem var bjargað eða þá sem komu að björgunaraðgerðum. 

Í fyrsta þættinum á sunnudag verður fjallað um hið hörmulega sjóslys þegar flutningaskipið Dísarfell sökk um 100 sjómílum suðaustur af Hornafirði árið 1997. Tíu mönnum var bjargað um borð í TF-LÍF, þyrlu Landhelgisgæslunnar. Tveir menn létust.

Eins og áður segir verður fyrsti þáttur sýndur klukkan sjö á sunnudagsmorgun. Þátturinn verður sýndur á sjónvarpsstöðinni Stöð 2 Vísi klukkan 20:00 um kvöldið.

Hér fyrir neðan má sjá fyrstu stikluna úr þáttunum.

Útkall Kvikmyndagerð á Íslandi Bíó og sjónvarp

Tengdar fréttir

Flóðgáttirnar opnast þegar loksins er rætt um áföllin

Undanfarna þrjá áratugi hefur Óttar Sveinsson skrifað ótrúlegar sögur fólks úr íslenskum veruleika - frásagnir af mögnuðum björgunarafrekum og baráttu upp á líf og dauða. Fyrsta Útkallsbókin kom út árið 1994. Nú er sú þrítugasta komin út: Útkall – Mayday – erum að sökkva. Tvær bækur standa upp úr enda sögurnar með endæmum dramatískar.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.