Samúel fór meiddur af velli en Atromitos hélt upp­teknum hætti

Alvarleiki meiðslanna liggur ekki enn fyrir, Samúel var í byrjunarliði Atromitos en var neyddur af velli á 40. mínútu í stöðunni 1-0. 

Karol Angielski skoraði fyrsta markið og setti svo annað úr vítaspyrnu í seinni hálfleik. Panagiotis Moraitis minnkaði muninn fyrir heimamenn undir blálokin en sigur Atromitos var aldrei í hættu. 

Eins og áður segir var þetta 11. leikur liðsins í röð án taps. Chris Coleman þjálfaði liðið í upphafi tímabils en var sagt upp störfum í október og síðan þá hefur gengi liðsins stórbatnað. Þeir sitja nú í 7. sætinu, aðeins einu stigi frá efri hluta deildarinnar.