Matvælaráðherra dulur um mögu­lega endur­nýjun leyfis Hvals

Þannig hljóðar stutt og laggott svar Svandísar Svavarsdóttur matvælaráðherra við fyrirspurn Jóhanns Páls Jóhannssonar, þingmanns Samfylkingarinnar, um það hvort ráðherra hyggist gefa út leyfi til veiða á langreyðum á árinu 2024.

Leyfið sem Hvalur hf. hefur til veiða rennur út í árslok og ráðherra hefur áður sagt að óvíst sé hvort það verði endurnýjað. Frumvarp um bann við hvalveiðum hefur verið lagt fram á Alþingi en Kristján Loftsson, eigandi og framkvæmdastjóri Hvals, hefur ekki gefið annað til kynna en að til standi að halda veiðum áfram.

Í skýrslu sem forsvarsmenn Hvals skiluðu inn til Matvælastofnunar og Fiskistofu í byrjun nóvember sagði að stöðvun veiðanna í tvígang hefði valdið stórfelldu fjárhagslegu tjóni og að fyrirtækið myndi leita réttar síns.

Þá sagði að megináskorunin sem fyrirtækið stæði frammi fyrir „teng­ist fyrst og síðast því póli­tíska öldu­róti sem hef­ur verið um hval­veiðar og að tekn­ar séu meiri­hátt­ar ákv­arðanir um starf­semi fé­lags­ins án þess að laga­bók­stafn­um, þ. á m. stjórn­ar­skrár­vörðum rétt­ind­um fé­lags­ins, sé sér­stak­ur gaum­ur gef­inn“.