Fótbolti

Gylfi Þór í hóp hjá Lyngby

Ágúst Orri Arnarson skrifar
Gylfi spilar að öllum líkindum sinn fyrsta leik fyrir Lyngby á morgun
Gylfi spilar að öllum líkindum sinn fyrsta leik fyrir Lyngby á morgun

Gylfi Þór Sigurðsson verður í fyrsta skipti í leikmannahópi Lyngby þegar liðið mætir Vejle í dönsku Superligunni á morgun. 

Gylfi Þór samdi við Lyngby fyrir þremur vikum síðan en hefur ekki enn leikið með liðinu vegna meiðsla. Freyr Alexandersson, þjálfari liðsins, gaf það sterklega í skyn í viðtali á dögunum að Gylfi gæti spilað næsta leik. 

Lyngby hefur nú staðfest það á X-síðu sinni að Gylfi verði í leikmannahópnum á morgun.

Gylfi hefur ekki spilað knattspyrnuleik síðan í maí 2021 en hann var handtekinn síðar það sumar og í kjölfarið leystur undan samningi sínum hjá Everton. 

Lyngby hefur farið vel af stað í dönsku deildinni eftir að hafa verið hársbreidd frá því að falla á síðasta tímabili. Liðið er í 6. sæti deildarinnar þegar 8 leikir hafa verið spilaðir. 

Liðið er skipað fjölmörgum Íslendingum en meðal leikmanna eru Andri Lucas Guðjohnsen, Sævar Atli Magnússon og Kolbeinn Finnson. 

Danski boltinn Mál Gylfa Þórs Sigurðssonar

Tengdar fréttir

Gylfi Þór gæti spilað á föstu­daginn

Gylfi Þór Sigurðsson gæti spilað sinn fyrsta leik síðan 2021 á föstudagskvöld þegar Lyngby fær Vejle í heimsókn í dönsku úrvalsdeildinni í knattspyrnu.

Mest lesið


Fleiri fréttir

Sjá meira


×

Mest lesið