Þjálfara­mál Breiða­bliks skýrist á allra næstu dögum: „Ekki létt­­væg skref að stíga“

Seinni partinn í gær birtist yfir­lýsing frá knatt­spyrnu­deild Breiða­bliks þar sem greint var frá því að fé­lagið hefði komist að sam­komu­lagi við Ás­mund Arnars­son um að hann myndi láta af störfum sem þjálfari kvenna­liðs fé­lagsins í fót­bolta.

Er árangur liðsins að undan­förnu sagður liggja að baki þessari á­kvörðun. 4-2 tap gegn Þrótti Reykjavík um ný­liðna helgi reyndist síðan vera dropinn sem fyllti mælinn.

„Þessi á­kvörðun var okkur erfið,“ segir Flosi í sam­tali við Vísi. „Ás­mundur er afar góður þjálfari og fær, það hefur hann sýnt á sínum tíma hjá okkur. Þá er hann góður fé­lagi en við töldum okkur þurfa að gera breytingar á þessum tíma­punkti miðað við stöðuna en þetta eru ekki létt­væg skref að stíga.“

Er það Breiða­blik sem á frum­kvæðið að þessari á­kvörðun?

„Við komumst að þessu sam­komu­lagi,“ var svar Flosa við þessari spurningu.

En hvað tekur þá við hjá Breiða­bliki núna hvað varðar þjálfara­mál? Fram undan er úr­slita­keppni Bestu deildarinnar en liðið er sem stendur í 2.sæti, átta stigum á eftir topp­liði Vals og fimm stigum fyrir ofan Stjörnuna sem situr í 3.sæti.

En leit ykkar að nýjum þjálfara. Búist þið við að ganga frá ráðningu fyrir lok tíma­bils eða er það eitt­hvað sem bíður þar til eftir tíma­bil?

„Þetta er nú bara eitt­hvað sem er í vinnslu. Þetta eru tvær að­skildar á­kvarðanir sem við erum að taka, þar er annars vegar að klára þetta tíma­bil og hins vegar hvernig við högum þjálfara­málum liðsins til fram­tíðar. Þetta skýrist á allra næstu dögum.“

Leitað var eftir við­brögðum hjá Ás­mundi Arnars­syni, frá­farandi þjálfara Breiða­bliks, en hann vildi ekki tjá sig um málið að svo stöddu.