Lífið

Þegar unglingarnir söfnuðust saman á Hallærisplaninu

Auður Ösp Guðmundsdóttir skrifar
Þeir sem voru unglingar á þessum tíma muna eflaust margir eftir að hafa endað rúntinn á planinu, þar sem strákarnir reyndu við stelpurnar og öfugt og ófá ástarsambönd urðu til.
Þeir sem voru unglingar á þessum tíma muna eflaust margir eftir að hafa endað rúntinn á planinu, þar sem strákarnir reyndu við stelpurnar og öfugt og ófá ástarsambönd urðu til. Einar Gunnar Einarsson (EGE)

Á sjöunda, áttunda og níunda áratugnum var Hallærisplanið, þar sem nú er Ingólfstorg, einn helsti samkomustaður unglinga um helgar. Í raun má segja að planið hafi breyst í nokkurs konar félagsmiðstöð á föstudags og laugardagskvöldum þar sem nokkur þúsund ungmenni söfnuðust  saman.

Þeir sem voru unglingar á þessum tíma muna eflaust margir eftir að hafa endað rúntinn á planinu, þar sem strákarnir reyndu við stelpurnar og öfugt og ófá ástarsambönd urðu til. Margir fóru á sitt fyrsta fyllerí á planinu og sötruðu landa, enda var bjórbann ennþá í gildi á Íslandi.

En eldri kynslóðinni var þó ekki beinlínis skemmt, enda voru ólæti, áflog, rúðubrot og lögregluátök nánast fastur liður á Hallærisplaninu um helgar. Miklar umræður áttu sér stað um planið á sínum tíma og var töluvert fjallað um ástandið í blöðum þar sem samkomurnar á planinu voru meðal annars kallaðar „forgarður vítis“.

„Sleppið Hallærisplaninu í kvöld og mætum í Tónabæ,“ stóð í auglýsingu sem Tónabær birti í Morgunblaðinu í október 1976, í þeim tilgangi að lokka ungmennin burt frá ólátunum í bænum og inn í félagsmiðstöðvarnar.

Eftir því sem leið á níunda áratuginn minnkaði aðdráttarafl plansins og unglingarnir fóru að sækja meira í félagsmiðstöðvar, upp á Hlemm, í leiktækjasali og á hina og þessa unglingaskemmtistaði sem höfðu opnað. Samkomurnar á planinu heyra því liðinni tíð en lifa eflaust góðu lífi í minningum margra Íslendinga.

Meðfylgjandi myndir eru í eigu Ljósmyndasafns Reykjavíkur.

Þessi mynd var tekin á Hallærisplaninu í júlí  árið 1981.Þórir Guðmundsson
September 1980. Hallærisplanið og miðbærinn undirlagður af unglingum.Kristján A. Einarsson (kae)
Mörgum þótti nóg um drykkjulætin og áflogin sem urðu þegar unglingarnar söfnuðust saman.Kristján A. Einarsson (kae)
Júní 1977, Hópur ungmenna á Hallærisplaninu. Einar Gunnar Einarsson (EGE)
Það var alltaf líf og fjör á Hallærisplaninu.Ari
Það var ekki óalgengt að lögreglan þyrfti að hafa afskipti af unglingunum sem söfnuðust saman á planinu.Jens Alexandersson
Júlí 1978, unglingar að skemmta sér um helgi á Hallærisplaninu.Ari
Það var vinsælt að enda rúntinn á Hallærisplaninu um helgar.Jens Alexandersson
September 1978, unglingar að skemmta sér um helgi á Hallærisplaninu og ungt par ræðir málin.Jens Alexandersson

Um Ljósmyndasafnið

Ljósmyndasafn Reykjavíkur er miðstöð ljósmynda þar sem fortíðin og nútíminn mætast. Markmið safnsins er að varðveita, safna og sýna bæði sögulega og samtímaljósmyndun í listrænu, félags- og menningarlegu samhengi. Í Ljósmyndasafni Reykjavíkur eru nú varðveittar um 6,5 milljónir ljósmynda af ýmsum stærðum og gerðum. Elstu myndirnar eru frá því um 1860 og þær yngstu frá 2020. Ljósmyndasafn Reykjavíkur setur upp á annan tug sýninga ár hvert. Markmiðið er að kynna íslenska ljósmyndara og koma á framfæri, sýna verk úr safneign sem og að sýna verk erlendra ljósmyndara.

Einu sinni var... Reykjavík Næturlíf

Tengdar fréttir

Margir muna eftir tívolíinu í Hveragerði

„Ferðatívolíin,sem hér hafa verið starfrækt undanfarinsumur hafa flest snúið aftur til meginlandsins með farfuglunum á haustin.Nú skal hér verða breyting á. Við Íslendingar munum bráðlega eignast aftur okkar eigið tívolí. Fyrirtækið Kaupland sf., sem rak tívolí á Melavellinum sl. sumar, og veitingahúsið Eden í Hveragerði hafa í sameiningu ákveðið að reisa tívolí sem á að hafa aðseturí Hveragerði til frambúðar.“

Svona leit Reykjavík út árið 1960

Reykjavík í upphafi sjöunda áratugarins. Bær er að breytast í borg og framundan er mikill uppgangstími í íslensku samfélagi. 

Svona leit Reykjavík út árið 1970

Í upphafi áttunda áratugarins var miðborg Reykjavíkur töluvert öðruvísi en í dag. Þar sem nú er verslunarhúsnæði var áður Morgunblaðshúsið. Þar sem nú er veitingastaðurinn Hjá Jóni var áður Landsíminn og þar sem nú er veitingastaðurinn Apótekið var áður raunverulegt apótek.

Svona leit Kefla­víkur­flug­völlur út árið 1982

Flugstöð Leifs Eiríkssonar var vígð árið 1987 og urðu þá tímamót í flugsögu Íslendinga. Fram að því þjónaði Keflavíkurflugvöllur allri farþegaumferð, og þar voru aðstæðurnar öllu frumstæðari en við þekkjum í dag.

Ein­stakar myndir sýna sögu Há­skóla­bíós í gegnum tíðina

Nýlega var tilkynnt um að hætt verði rekstri kvikmyndahúss í Háskólabíó en þar með lýkur rúmlega 60 ára sögu bíósýninga í þessu sögufræga húsi. Ef marka má viðbrögð á samfélagsmiðlum er ljóst að Háskólabíó skipar stóran sess í huga marga Íslendinga.

Kunnug­leg and­lit á djamminu í Hollywood í gamla daga

„Nýr skemmtistaður, Hollywood, var opnaður i gærkvöldi með „grandeur" sem hæfir nafninu. Fullt var út að dyrum og margir urðu frá að hverfa.“ Þannig hófst frétt sem birtist á forsíðu Vísis þann 3. mars árið 1978.

Svona litu íslensk fangelsi út árið 1988

Árið 1988 voru fimm fangelsi starfrækt á Íslandi; Litla Hraun, Kvíabryggja, Hegningarhúsið, Síðumúlafangelsi og fangelsið á Akureyri. Bragi Þór Jósefsson ljósmyndari eyddi degi á Litla Hrauni og í Hegningarhúsinu á Skólavörðustíg og náði þar einstökum ljósmyndum sem sýna vistarverurnar í fangelsunum á þessum tíma.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.