Sport

Keflavík og Stjarnan skildu jöfn

Andri Már Eggertsson skrifar
Keflavík og Stjarnan gerðu 1-1 jafntefli í 15. umferð Bestu-deildar kvenna
Keflavík og Stjarnan gerðu 1-1 jafntefli í 15. umferð Bestu-deildar kvenna Vísir/Anton Brink

Keflavík fékk Stjörnuna í heimsókn í 15. umferð Bestu-deildar kvenna. Leikurinn endaði með 1-1 jafntefli.

Nýjasti leikmaður Keflavíkur Melanie Claire Rendeiro skoraði sitt fyrsta mark fyrir félagið á 33. mínútu. Þetta var aðeins annar leikur hennar fyrir félagið.

Staðan var 1-0 í hálfleik

Sædís Rún Heiðarsdóttir jafnaði metin fyrir Stjörnuna þegar tæplega tuttugu og sex mínútur voru liðnar af síðari hálfleik með laglegu marki.

Fleiri urðu mörkin ekki og leikurinn endaði með 1-1 jafntefli.

Þetta var ansi mikilvægt stig fyrir Keflavík í botn baráttunni en liðið hafði tapað fjórum leikjum í röð áður en Stjarnan kom í heimsókn. Eftir úrslit kvöldsins hefur Stjarnan tapað einum af síðustu fimm leikjum.

Næsti leikur Keflavíkur er fimmtudaginn 10. ágúst gegn FH klukkan 19:15. Það er lengra í næsta leik Stjörnunnar en hann er 16. ágúst gegn Breiðabliki.

Stjarnan Keflavík ÍF Besta deild kvenna

Mest lesið


Fleiri fréttir

Sjá meira


×

Mest lesið