Sport

Anton Sveinn sjöundi þegar heimsmetið féll

Ingvi Þór Sæmundsson skrifar
Anton Sveinn McKee stóð sig með mikilli prýði á HM í fimmtíu metra laug.
Anton Sveinn McKee stóð sig með mikilli prýði á HM í fimmtíu metra laug. Sundsamband Íslands

Anton Sveinn McKee varð sjöundi í úrslitum í tvö hundruð metra bringusundi á HM í Furuoka í Japan sem lauk í dag.

Anton byrjaði sundið af krafti og var lengi meðal efstu manna. Hann gaf hins vegar eftir á síðustu fimmtíu metrunum og endaði í 7. sæti. Anton synti á 2:09,50 mínútum.

Kín­verj­inn Haiyang Qin kom fyrstur í mark á nýju heimsmeti, 2:05,48 mínútum.

Anton getur gengið sáttur frá borði eftir HM. Hann komst ekki bara í úrslit heldur náði hann einnig Ólympíulágmarki í gær þegar hann synti á 2:09,19 mín­út­um í undanrásunum. Hann keppir því á sínum fjórðu Ólympíuleikum á næsta ári.

Íslands­met Ant­ons í tvö hundruð metra bringusundi frá 2017 er 2:08,74 mín­út­ur.

Sund

Mest lesið


Fleiri fréttir

Sjá meira


×

Mest lesið