Messi kynntur til leiks hjá Inter Miami

Messi greindi sjálfur frá því fyrr í sumar að hann væri á förum frá Paris Saint-Germain til Inter Miami í bandarísku MLS-deildinni og nú hefur félagið kynnt Messi til leiks.

Messi, sem er 36 ára gamall, gerir tveggja og hálfs árs samning við Inter Miami og mun leika sinn fyrsta leik fyrir félagið næstkomandi föstudag gegn mexíkóska liðinu Cruz Azul.

Eins og áður segir er Messi einn allra besti knattspyrnumaður sögunnar, en hann hefur verið valinn besti knattspyrnumaður heims sjö sinnum. Hann lék í alls 17 ár hjá Barcelona þar sem hann vann spænsku deildina tíu sinnum og Meistaradeild Evrópu fjórum sinnum svo eitthvað sé nefnt. Þá varð hann heimsmeistari með argentínska landsliðinu í desember á síðasta ári.