Stunginn til bana á dans­gólfinu í Birmingham

Árásin átti sér stað rétt fyrir miðnætti í gærkvöldi á skemmtistaðnum The Crane í Birmingham. Maðurinn var að skemmta sér ásamt vinum sínum þegar hann var stunginn. Gestir og viðbragðsaðilar reyndu að bjarga honum en þrjátíu mínútum síðar var hann látinn. 

„Við vitum að það voru hundruð manna á staðnum þegar þetta gerðist. Við höfum talað við marga þeirra nú þegar en við þurfum enn að ræða við einhvern sem sá þetta eða náði jafnvel myndbandi af þessu gerast,“ hefur BBC eftir rannsóknarlögreglumanninum Michelle Thurgood. 

Enginn hefur verið handtekinn við rannsókn málsins en lögreglan er enn að skoða vettvanginn og fara yfir myndbönd úr öryggismyndavélum.