Joey Gibbs til Stjörnunnar

Gibbs skoraði 21 mark í nítján leikjum þegar Keflavík vann Lengjudeildina 2020. Hann gerði svo tíu mörk í 22 leikjum í Pepsi Max-deildinni 2021.

Á síðasta tímabili lét Gibbs ekki jafn mikið til sín taka. Hann fór meðal annars heim til Ástralíu á miðju tímabili en sneri svo aftur til Keflavíkur eins og til stóð. Alls lék Gibbs 21 deildarleik á síðasta tímabili og skoraði fimm mörk.

Stjarnan endaði í 5. sæti Bestu deildarinnar á síðasta tímabili en Keflavík í því sjöunda.