Úkraína og Moldóva formlega orðin umsóknarríki

Ráðið samþykkti tillögu þess efnis rétt í þessu. Þetta kemur fram á Twitter-síðu Charles Michel, forseta leiðtogaráðs ESB.

Þar segir hann ákvörðunina vera sögulega stund í sögu Evrópu. Áður hafði framkvæmdastjórn ESB samþykkt að gera ríkin að formlegum umsóknarríkjum.

Samþykki leiðtogaráðsins þarf hins vegar til þess að ríki fái þessa formlegu stöðu, sem nú er komin í hús fyrir bæði Úkraínu og Moldóvu.

Úkraína sótti formlega um aðild að Evrópusambandinu stuttu eftir innrás Rússa í landið.