Körfubolti

ÍR hafði betur gegn KR í oddaleik

Hjörtur Leó Guðjónsson skrifar
Einvígi ÍR og KR fór alla leið í oddaleik.
Einvígi ÍR og KR fór alla leið í oddaleik. Karfan.is

Það verður ÍR sem leikur til úrslita um sæti í Subway-deild kvenna eftir 19 stiga sigur gegn KR í oddaleik í kvöld, 84-65.

ÍR-ingar höfðu yfirhöndina frá fyrstu mínútu og leiddu með sex stigum að loknum fyrsta leikhluta. Liðið jók forskot sitt svo lítillega fyrir hálfleik og hafði tíu stiga forystu þegar gengið var til búningsherbergja, 43-33.

Heimakonur í ÍR héldu áfram þar sem frá var horfið í síðari hálfleik. Þær voru komnar með 13 stiga forskot þegar komið var að lokaleikhlutanum og brekkan orðin ansi brött fyrir KR-inga. ÍR-ingar kláruðu leikinn af stakri prýði og unnu að lokum 19 stiga sigur, 84-65.

Það verður því ÍR sem verður andstæðingur deildarmeistara Ármanns í úrslitaeinvíginu um sæti í Subway-deild kvenna. Vinna þarf þrjá leiki til að sigra einvígið.

Íslenski körfuboltinn ÍR KR

Mest lesið


Fleiri fréttir

Sjá meira


×

Mest lesið