Körfubolti

Körfuboltakvöld: Ungir KR-ingar að taka lyklavöldin

Arnar Geir Halldórsson skrifar
Þorvaldur Orri er í lykilhlutverki hjá KR.
Þorvaldur Orri er í lykilhlutverki hjá KR. Vísir/Elín Björg

KR-ingarnir Þorvaldur Orri Árnason og Veigar Áki Hlynsson hafa vakið verðskuldaða athygli fyrir frammistöðu sína í Subway deildinni í körfubolta í vetur.

Þeir eiga sér aðdáendur í Körfuboltakvöldi Kjartans Atla Kjartanssonar en þar fóru þeir Teitur Örlygsson og Hermann Hauksson fögrum orðum um þessa tvo ungu leikmenn sem eru rétt skriðnir yfir tvítugt.

„Ungu strákarnir eru komnir með lyklana. Byrjum á Þorvaldi Orra. Hann bar uppi KR liðið að stórum hluta í leiknum,“ segir Kjartan Atli og vísar til leiks KR í Keflavík á dögunum.

„Þessir strákar eru búnir að spila fullt af mínútum, hafa fengið fullan séns í deildinni og núna eru þeir að þakka KR fyrir sig,“ segir Teitur.

Þá fóru þeir einnig yfir vasklega framgöngu Veigars Áka þegar mikið var undir á lokamínútum leiksins í Keflavík.

Umræðuna í heild má sjá í spilaranum hér að neðan.

Klippa: Körfuboltakvöld: Ungir KR-ingar að taka lyklavöldin
KR Subway-deild karla Íslenski körfuboltinn Körfuboltakvöld

Tengdar fréttir

Flottustu tilþrif vikunnar í Subway deildinni

Teitur Örlygsson og Hermann Hauksson voru gestir Kjartans Atla Kjartanssonar í Körfuboltakvöldi á föstudag þar sem þeir fóru yfir 19.umferð Subway deildarinnar.

Mest lesið


Fleiri fréttir

Sjá meira


×

Mest lesið