Pétur Rúnar: Þurftum að taka til varnarlega

,,Ég er ánægður með að tengja sigra. Það eru komnir núna þrír í röð og það virðist vera stígandi í þessu‘‘, sagði Pétur.

,,Ég er ánægður með flest allt, það dreyfist vel stigaskorið, við gerum vel varnarlega‘‘, sagði Pétur og bætti við að hann vonaði að liðið gæti byggt ofan á þessa frammistöðu.

Tindastóll átti í erfiðleikum fyrir utan þriggja stiga línuna í fyrri hálfleik og settu aðeins 2 skot af 18 ofan í. Javon Bess, leikmaður Tindastóls, endaði fyrri hálfleikinn á því að setja eitt ofan í. Pétri fannst það svo sem ekki skipta höfuð máli að hann hafi dottið í.

,,Við hefðum samt alltaf reynt að halda áfram að gera það sem við vorum að gera, við erum að fá opin skot við erum að fá þau skot sem við viljum. Við þurftum bara að taka aðeins til varnarlega og við gerðum það í seinni hálfleik‘‘, sagði Pétur.

Tindastóll átti góðan kafla í fjórða leikhluta þar sem þeir skoruðu 15 stig í röð á KR.

,,Við náðum bara að loka á þá og taka þá út úr því sem þeir vilja gera, sagði Pétur.

Pétur var ánægður með að halda KR liðinu í 36 stigum skoruðum í seinni hálfleik.

Tindastóll spilar við ÍR í næsta leik. Aðspurður út í það verkefni svarar Péttur að það sé ,,annar hörkuleikur á móti liði sem er nálægt okkur og við þurfum að halda áfram á þeirri braut sem við erum á núna‘‘.