Breskir blaða­menn náðu því á mynd­band þegar Rússar réðust á þá

Blaðamenn Sky News voru með myndavélarnar í gangi þegar þeir fengu á sig skothríð úr launsátri, eins og sýnt var frá í kvöldfréttum Stöðvar 2.

Mesti fjöldaflótti frá seinni heimsstyrjöld

Brennipunktur átakanna í dag hefur verið í Maríupol.

Unnið hefur verið að því að forða allt að tvö hundruð þúsund manns úr hafnarborginni í dag. Fólk batt vonir við að Rússar myndu hleypa fólki úr borginni en sprengjuárásum þeirra hefur ekki linnt.

Vladimír Pútín Rússlandsforseti er sagður hafa haft það á orði í dag að ef Úkraínumenn haldi áfram á sömu braut, eigi þeir á hættu að missa alveg sjálfstæði sitt.

Volodímir Selensky forseti Úkraínu kvaðst í dag vera að gera allt sem hann gæti til að leita sátta.

Skollinn er á mesti fjöldaflótti í Evrópu frá síðari heimsstyrjöld. Eftir helgi er talið að um ein og hálf milljón muni hafa flúið heimaland sitt. Á Íslandi hefur þegar verið tekið á móti 56 manns frá Úkraínu.