Tugir látnir ó­veður sem gekk yfir suð­austur­hluta Afríku

Hitabeltisstormurinn Ana gekk á land á Madagaskar á mánudaginn var og olli tjóni. Síðan skall veðrið á Mósambík og Malaví en gríðarmiklar rigningar hafa fylgt storminum.

Enn er verið að leggja mat á tjónið en menn óttast hið versta þar sem annar svipaður stormur er í uppsiglingu úti á Indlandshafi.

Neyðarástandi hefur verið lýst yfir á Madagaskar þar sem 48 létust, Í Mósambík fórust átján og ellefu í Malaví.

Tugir þúsunda heimila eyðilögðust og ár flæddu yfir bakka sína og sópuðu brúm í burtu þannig að samgöngur eru afar erfiðar á svæðinu.