Sóttkví setti strik í reikninginn þegar Óskar og Berglind leituðu að draumaeigninni

Síðastliðin tíu ár hefur Óskar verið búsettur í Noregi en flutti aftur heim fyrir ekki svo löngu.

Í þættinum í gær skoðaði hann eignir ásamt kærustunni sinni Berglindi en í dag eiga þau eign í Hafnarfirðinum. Ástæðan fyrir því að hún var í sóttkví. Mágkona hans hljóp í skarðið fyrir systur sína.

Parið vildi eign í Hafnarfirðinum og óskuðu eftir fjögurra herbergja íbúð á verðbilinu 50-60 milljónir.

Fyrsta eignin sem Óskar skoðaði ásamt mágkonu sinni var í Skarðshlíðinni í Hafnarfirði en um var að ræða 84 fermetra eign með tveimur svefnherbergjum. Ásett verð á eignina var 53,9 milljónir.

Hér að neðan má sjá brot úr þætti gærkvöldsins. Hægt er að horfa á þáttinn í heild sinni í frelsiskerfi Stöðvar 2 eða á Stöð 2+ en þar má sjá hvaða eign varð fyrir valinu en Óskar skoðaði þrjár eignir fyrir parið.